Ekki missa af skemmtilegum sumartónleikum!
Of Monsters and Men ætla að bjóða upp á fría tónleika í Hljómskálagarðinum Laugardaginn 7 júlí klukkan 18-22.
Hljómsveitin hefur verið að gera það virkilega gott upp á síðkastið og fengið ótrúlega góðar viðtökur bæði hérlendis sem og erlendis. Seinustu mánuðina hefur hljómsveitin verið að túra í Bandaríkjunum og víða í Evrópu. Það virðist ekki vera neitt lát á tónleikaferðalaginu allavegana fram á haust og svo hefur hljómsveitin staðfest framkomu sína á Airwaves.
Fyrsta plata þeirra heitir My head is an animal og fór beint í 6. sæti bandaríska Billboard listans! Nú þegar hafa selst um 192 þúsund eintök af plötunni í Bandaríkjunum.
Fögnum þessum frábæra árangri með þeim og mætum öll í hljómskólagarðinn næsta laugardag.
