Sænska high street keðjan H&M gaf stóru tískuhúsunum ekkert eftir á H&M Paris Fashion Week sýningunni í gær. Þar voru margar glæsilegar flíkur í ódýrari kantinum til sýnis, ásamt nokkrum dýrari hlutum úr veglegum efnum sem mikið hefur verið lagt í. Sýningin var lífleg og skemmtileg, falleg og látlaus í senn og án mikils umbúnaðar en hún var haldin á Musée Rodin.
H&M virðist vera að færa sig upp í tískuheiminum en eins og margir tóku eftir var Helen Hunt í kjól frá H&M á Óskarnum. Kjóllinn fékk misjafnar undirtektir frá tískugúrúum, en engu að síður mikla umfjöllun.
Haustlína H&M er vel heppnuð og hefur fengið gríðarlega góða dóma. Aðal liturinn var svartur í bland við fallega haustliti settir fram á dramatískan hátt til dæmis með loðjökkum, bróderuðum skirtukjólum, fallegum cape-jökkum , oversized peysum og háum stígvélum.
Að sögn Ann-Sofie Johansson, yfirhönnuðar H&M, er hugsunin á bakvið línuna er að blanda saman „boyfriend“ og „ömmu“ stílnum svo að útkoman verði áreynslulaus og flott útlit.
