Mikið væri gaman að vera í New York eftir viku, 10. september. Stærsta tískupartý sögunnar verður haldið það kvöld, með mörgum óvæntum uppákomum. En partýið er ekki einungis haldið í New York, heldur er það á fleiri stöðum í heiminum og þess vegna mun það kallast stærsta tískupartý sögunnar. Endilega kíkjið á staðsetningarnar [hér] og ég mæli með mætingu ef þið eruð á einhverjum þessara staða.

Þetta er í annað skiptið sem Fashion’s Night Out er haldið hátíðlegt og kvöldið er enginn smá atburður. Flest allar tísku-, snyrti- og húsgagnavöruverslanir verða opnar langt fram á kvöld (frá 18-23), boðið verður upp á drykki og nýjar vörur sýndar, DJ-a verða út um allt og frægt fólk við hvert fótmál. Michael Kors verður t.d. með búð sína opna, hann verður þar sjálfur og DJ Mickey “Lights Out” með honum á staðnum, Vera Wang mun koma með sérstökum gestum í báðar búðirnar sínar í New York, stílisera brúðir og árita bækur fyrir gesti. Gucci mun svo fagna deginum með því að gefa Mary J. Blige’s Foundation for the Advancement of Women Now, 20% af allri sölu í búð sinni á 5th. Avenue og heiðra sjóðinn í leiðinni með uppákomum um kvöldið. Fjölbreytileiki einkennir Fashion’s Night out og því mjög margt hægt að skoða. [Hér] má skoða 63 blaðsíður af því sem er að gerast í New York þetta tiltekna kvöld.

Bolirnir sem voru sérstaklega hannaðir fyrir Fashion’s Night Out í New York (og eru á fyrirsætunum hér á myndinni) verða til sölu í mörgum þeirra verslana sem verða opnar .
Sumar senda til viðtakanda - þannig að ef ykkur langar í bol, þá er um að gera að kanna málið.
Bolirnir eru til styrktar NYC Aids found.

Konan á bak við þetta allt saman er að sjálfsögðu Anna Wintour, ritstjóri Vogue í Bandaríkjunum. Hún átti auðvelt með að koma þessi kvöldi á, enda held ég að hún geti flutt fjöll ef hana langar til! Kvöldið tókst með eindæmum vel í fyrra og því ekkert því til fyrirstöðu að halda annað og enn veglegra kvöld í ár. Þetta verður vonandi árlegur atburður og jú, það stefnir allt í það.

Anna Wintour í viðtali hjá Jimmy Fallon í vikunni.

Hversu vandræðalegt er samt að hlakka til atburðar sem maður er ekki að fara á!? Ég vil að við Íslendingar höldum þetta kvöld hátíðlegt á næsta ári með samskonar uppákomum, þó þær verði litlar. Eruð þið ekki sammála mér?

Góða helgi allir!

http://www.fashionsnightout.com

- Eyrún

Einhvernveginn læðist að mér sá grunur að þessir eigi eftir að verða vinsælir í haust/vetur (þá kannski sérstaklega í draumum einhverra). Alexander McQueen boots úr fall/winter 2010-2011 línunni. Rétt um 100 þúsund kallinn & 15 cm. hæll. Ójájá. Ekki kannski alveg ég en ég held að þeir séu flottir á öðrum fótum.

Ég er líka búin að sjá fleiri fína nýja skó í haust, t.d. þessa frá Jeffrey Campbell og Sam Edelman. 
Hvernig finnst ykkur þeir?

Jeffrey Campbell – Two Timer Wedge. $ 164,95
(séð innanfótar)

Þessir finnst mér geðveikir! Sam Edelman skór. $ 154,95

Sá tvo neðri skóna á Solestruck sem er frábær síða helguð skóm á viðráðanlegu verði - Solestruck gefa líka út tímarit á netinu sem fjallar um þá skó sem þeir selja. Mæli með að kíkja á síðuna þeirra og tímaritið (eða lookbook-ið) [hér]. Svo senda þeir líka frítt yfir höfin ef keypt er fyrir meira en 199 dollara. Go wild!

- Eyrún

Hvað er huggulegra í skammdeginu en að hlusta á góða tónlist, læra ef til vill smá og skella á sig maska? ;)

Vona að þið séuð allar búnar að kíkja á hálfs árs afmælisblaðið okkar og líkað vel :) Takk fyrir kommentin og skilaboðin – við viljum endilega heyra hvað ykkur finnst því þetta er jú allt fyrir ykkur gert.

-Edda Sif

Nú er sjötta tölublað af NUDE magazine komið á netið. Í þetta skiptið er það THE SEPTEMBER ISSUE og fögnum við um leið hálfs árs afmæli með stærsta blaðinu hingað til. Innihaldið er ekki af verri endanum, blaðið er stútfullt af tísku og fróðleik, við förum ítarlega í haustlínurnar, skoðum förðun fyrir haustið, könnum vefverslanir og margt margt fleira. Ekki má gleyma vönduðum myndaþáttum þar sem við fengum meðal annars fimm hönnuði til að stílisera myndatöku og lýsa haustlínum sínum í leiðinni.

Vonandi njótið þið blaðsins með okkur, við værum ekkert án ykkar.

Forsíðuna prýðir Vera Hilmarsdóttir.

Blaðið getið þið séð [hér].

- Eyrún

Ég náði að taka þessa mynd í Zöru í Valencia í vor – rétt áður en ég var rekin með myndavélina út :Þ

Ætlunin var að fanga blómastuðið, harem og samfestinga en ég horfi samt alltaf bara á stuðpíuna þarna hægra megin þegar ég sé þessa mynd! :D Hvað var hún að gera sem varð til þess að hún lenti í þessari stellingu? Hahaha!

Svo er ég reyndar með annað Lol úr þessari ferð. Djöfull getum við stelpur verið klikkaðar:

Garden Collection! Aaa verð að fá verð að fá! Þvílík óreiða…

En ég náttúrulega tók þátt í ruglinu – reif til mín kjól og mátaði sem var möööörgum númerum of stór og var í alvörunni að íhuga að kaupa hann.

Mikið er ég þakklát honum Árna sem sagði mér að það væri eins og ég væri í tjaldi – því það er hárrétt! Það næst kannski ekki alveg á myndinni en ég er alveg týnd inni í honum :Þ

Thumbs down varð fyrir guðs lukku og mildi ofan á!

Eigið góðan þriðjudag! :)

-Edda Sif

Sænski tískuljósmyndarinn Waldemar Hansson er engum líkur. Hann leggur mjög greinilega mikla vinnu í myndirnar sínar og þessi hér er ein sú flottasta sem ég hef séð.

Þessi fór beint á desktop-ið.

Mynd úr nýlegum myndaþætti hans, “Where the wild dreams grow“.
Fyrirsætan er Anastasia Scherchen.

Hann nær að fanga birtuna á svo flottan hátt (allavega fyrir mér) - ég er alls ekki alltaf hrifin af myndum sem eru ekki skýrar – en hans verk eru einhvernveginn skýr þó þau hafi mistur yfir sér. Ég nefni hann hér með sem uppáhalds ljósmyndarann minn.

Skoðið myndaþættina hans á http://www.waldemarhansson.com

- Eyrún

Emmy verðlaunin fóru fram í nótt. Þetta var í 62. skiptið sem verðlaunin voru afhent og horfði ég á mest allt “showið” á netinu – og fylgdist að sjálfsögðu grannt með kjólunum. Hér eru þeir sem mér fannst hvað fallegastir.

Claire Danes gullfalleg eins og venjulega. Hér er hún í Giorgio Armani Privé – kjól.

 Jenna Fischer í mjög fallegum kjól, í fullkomnum lit.

Lea Michele, stórglæsileg í Oscar de la Renta kjól.

Þetta voru þrír af mínum uppáhalds. Fleiri kjólar voru að sjálfsögðu á rauða dreglinum og flestar stjörnurnar náðu að klæða sig vel – en auðvitað misvel. Ég myndi gjarnan vilja sýna ykkur alla kjólana sem voru á dreglinum, en ætla að láta “nokkra” af þeim duga í þetta skiptið. Ef þið farið á google og sláið inn “emmy awards 2010 red carpet” þá ættuð þið fljótt að finna alla kjóla kvöldsins.

Diana Agron úr Glee, í kjól frá Carolina Herrera.

Anna Paquin í kjól frá Alexander McQueen og skóm frá YSL.

January Jones í kjól frá Versace og skóm frá Miu Miu. Sumir segja þennan kjól vera slys, en ég veit ekki – kannski er hann bara öðruvísi. Hann hefði alveg getað verið flottari yfir brjóstin en liturinn fer January mjög vel.

Kelly Osbourne – voðalega er hún búin að grennast.

Maria Menounos í Ralph & Russo-kjól.

Jessalyn Gilsig úr Glee.

Heidi Klum með ólýsanlega fallegt hálsmen frá Lorraine Schwartz. Það kostar margar milljónir
dala og Heidi var með lífverði, sérstaklega til að passa uppá hálsmenið.

Þó hún væri með fallegt hálsmen, þá fannst mér kjólinn hennar of stuttur – sama þó
hún sé með fab fótleggi. Kjóllinn er frá Marchesa.

Julie Benz í Pamella Roland-kjól úr Resort 2011 línunni hennar.

Details á kjólnum og fagurgrænn hringur.

Jayma Mays úr Glee, í Burberry kjól.

Eva Longoria með eiginmanni sínum Tony Parker. Hér er hún í kjól frá Robert Rodriguez.

Eitt stórslys í lokin.

 Rita Wilson hefur ekki verið vakandi þegar hún valdi sér þetta stórundarlega kristalla-dress.
Ekki eru svo skórnir skárri!

- Eyrún

Fyrir nokkrum vikum hafði ég samband við frænku mína sem býr í Svíþjóð og bað hana að kaupa þessa skó fyrir mig.

Þeir voru ekki til í búðunum í kring um hana svo par var sent fyrir mig yfir alla Svíþjóð. Þegar það var svo komið var blettur á öðrum skónum! Síðan þá hef ég hvorki heyrt um afdrif skónna né yfirhöfuð í frænku minni…

Ég hreinlega veit ekki alveg hvað ég á að halda … :Þ

-Edda Sif

…ooog þetta hér, það er ekki til mynd af því á Tiger síðunni. Nú hef ég eignast sægrænblátt naglalakk – vúbbídú! :)

-Edda Sif

Ég hef ekki alltaf verið hrifin af því þegar Karl Lagerfeld (Chanel) sýnir ljósmyndahæfileika sína. Mér finnst honum samt takast ágætlega til í þessari myndaseríu fyrir franska blaðið Numéro #116 í september, þar sem fyrirsætan Natasha Poly situr fyrir í hátískukjólum frá Chanel, Dior og Jean Paul-Gaultier. Henni til halds og trausts er myndardrengurinn Baptiste Giabiconi. Ég elska hvernig götuljósin lýsa upp húsin í bakgrunni og hvernig myndirnar ná að fanga andrúmsloft parsins, ráfandi um göturnar á þessu fallega kvöldi. Þær eru líka flottar svona svarthvítar – ég myndi ekki getað ímyndað mér hvernig þær væru í lit.

Ljósmyndari: Karl Lagerfeld.
Stílisti: Capucine Safyurtlu.
Fyrir: Numéro í september.

Uppáhalds. Babtiste lætur það virðast svo auðvelt að halda manneskju á öxlinni.

Bjútí!

Ég set þetta [lag] með Josh Groban við síðustu myndina.

Góða helgi allir!

- Eyrún